INDANG, CAVITE — Ipinagdiwang ng sambayanan ng Diyos ang ika-400 taon ng pagkakatatag bilang parokya ng St. Gregory the Great Parish, Indang, Cavite noong ika-30 ng Mayo. Ang temang “𝗜𝗞𝗔-𝟰𝟬𝟬 𝗣𝗔𝗠𝗔𝗡𝗔: 𝗣𝗔𝘀𝗮𝘀𝗮𝗹𝗮𝗺𝗮𝘁 𝘀𝗮 𝗠𝗔𝘆𝗮𝗺𝗮𝗻𝗴 𝗡𝗔𝗸𝗮𝗿𝗮𝗮𝗻” ay siyang naging sentro ng selebrasyon ng mga mananampalataya at deboto ni San Gregorio Magno. 

Ipinagdiwang ang Banal na Misa sa pangunguna ni Apostolic Nuncio to the Philippines, Lub. Kgg. Charles John Brown, D.D. katuwang ang Obispo ng Imus, Lub. Kgg. Reynaldo G. Evangelista, D.D. at ng kaparian ng Diyosesis ng Imus. 

Ibinahagi ni Archbishop Charles John Brown sa kanyang homiliya, “400 𝑦𝑒𝑎𝑟𝑠 – 𝑡ℎ𝑒 𝑤𝑜𝑟𝑑𝑠 𝑡ℎ𝑎𝑡 𝑐𝑜𝑚𝑒 𝑡𝑜 𝑜𝑢𝑟 𝑚𝑖𝑛𝑑 𝑎𝑟𝑒 𝑐𝑜𝑛𝑡𝑖𝑛𝑢𝑖𝑡𝑦, 𝑐𝑜𝑛𝑠𝑖𝑠𝑡𝑒𝑛𝑐𝑦, 𝑐𝑜𝑛𝑠𝑡𝑎𝑛𝑐𝑦, 𝑟𝑒𝑚𝑎𝑖𝑛𝑖𝑛𝑔 𝑖𝑛 𝑡ℎ𝑒 𝑓𝑎𝑖𝑡ℎ, 𝑑𝑒𝑐𝑎𝑑𝑒 𝑎𝑓𝑡𝑒𝑟 𝑑𝑒𝑐𝑎𝑑𝑒, 𝑐𝑒𝑛𝑡𝑢𝑟𝑦 𝑎𝑓𝑡𝑒𝑟 𝑐𝑒𝑛𝑡𝑢𝑟𝑦... 𝑇ℎ𝑎𝑛𝑘 𝐺𝑜𝑑 for 𝑦𝑜𝑢𝑟 C𝑎𝑡ℎ𝑜𝑙𝑖𝑐 𝑓𝑎𝑖𝑡ℎ. Tℎ𝑎𝑛𝑘 𝐺𝑜𝑑 𝑓𝑜𝑟 𝑡ℎ𝑖𝑠 400 𝑦𝑒𝑎𝑟𝑠 𝑜𝑓 𝑗𝑜𝑦, 𝑓𝑎𝑖𝑡ℎ, ℎ𝑜𝑝𝑒, 𝑎𝑛𝑑 𝑙𝑜𝑣𝑒 ℎ𝑒𝑟𝑒 𝑖𝑛 𝐼𝑛𝑑𝑎𝑛𝑔”.  

Nilagdaan ang katibayan sa pagdiriwang na ito ni Archbishop Brown, Bishop Evangelista, at nina Rdo. P. Marty Dimaranan, Kura Paroko, Rdo. P. Ashpaul Castillo, Priest Animator on Liturgy, at Jaime Dili-dili, PPC Lay Coordinator.

Matatandaang ang St. Gregory the Great Parish ay naging quasi-parish noong 1611 at inihandang maging ganap na parokya na naisakatuparan noong 1625 sa pamimintakasi sa patron ng parokya na si San Gregorio Magno.  Ganap na naihiwalay sa bayan ng Silang ang bayan ng Indang noong 1655 na noon ay pinamunuan ni Don Juan Dimabiling.  Sa taong 1672 hanggang 1676 sinimulan ang pagpapagawa ng simbahan at natapos noong 1707.  Noong taon 1710 naitayo naman ang kumbento.  Ang pag-gunita sa ika-400 taong pagkakatatag bilang ganap na parokya ng Indang ay kasabay ng pagdiriwang ng Taon ng Hubileo… taon ng pag-asa.  

Sa biyaya ng pananampalatayang gabay si San Gregorio Magno naisagawa nang buong sigla ang pagdiriwang na ito. Binibigyang pugay at pasasalamat ang mayamang nakaraan at ang ugat ng pananampalataya ng bawat deboto sa bayan ng Indang mula pa noon hanggang sa kasalukuyan. (Ulat ni Binea Jeverly C. Antang, SocCom, Diocese of Imus, mga larawang kuha ng Jubilee team, Diocese of Imus) 

 _______________________

Follow our official social media accounts:

Facebook: https://web.facebook.com/dioceseofimus

Jubilee 2025 Facebook page: https://www.facebook.com/Jubilee2025DioceseOfImus

YouTube: https://www.youtube.com/@dioceseofimus1961

#StGregory400

#Ika400Pamana 

#PAMANA400

#SanGregorioMagno 

#Jubilee2025

#LakbayPagAsa

#PilgrimsofHope

#DioceseOfImus

IMUS CITY - Sa panahong ito ng Hubileo, minarapat ng Diyosesis ng Imus, sa pakikipagtulungan ng Caritas Imus at iba't ibang ministri ng diyosesis na pagtuunan ng pansin ang Panlipunang Katuruan ng Simbahang Katolika o ang Catholic Social Teachings (CST).   Layunin nito na mas mapalalim ang ating pag-unawa sa mga pinahahalagahan natin bilang isang sambayanang Kristiyano.

Ang CST ay koleksyon ng mga prinsipyo at aral ng Simbahan na tumatalakay sa katarungang panlipunan, dignidad ng tao, at moral na pananagutan sa lipunan. Nakaugat ito sa Banal na Kasulatan, sa mga sulat ng mga Santo Papa, at sa Tradisyon ng Simbahan.

Narito ang pitong pangunahing prinsipyo ng CST (maaaring i-click ang mga link upang mapanood ang kaugnay na mga video):

1. Dignity of the Human Person
   • Ang bawat tao ay nilikha ayon sa wangis ng Diyos, kaya’t may likas na dignidad at karapatang pantao.
2. Call to Family, Community, and Participation
   • Ang tao ay panlipunang nilalang. Mahalaga ang pamilya bilang pundasyon ng lipunan, at may tungkulin tayong makilahok sa buhay pampubliko.
3. The Dignity of Work and the Rights of Workers
   • Ang paggawa ay hindi lamang para kumita, kundi isang paraan ng pakikibahagi sa paglikha ng Diyos. Dapat igalang ang karapatan ng mga manggagawa.
4. Solidarity
   • Tayong lahat ay magkakapatid. Dapat tayong magkaisa at magtulungan, lalo na sa panahon ng kagipitan.
5. Rights and Responsibilities
   • May karapatan ang bawat isa sa mga bagay na kailangan para sa isang marangal na buhay, ngunit may kaakibat itong pananagutan sa kapwa at sa lipunan.
6. Option for the Poor and Vulnerable
   • Dapat bigyang-pansin at unahin ang kapakanan ng mga mahihirap at naaapi.
7. Care for God’s Creation
   • Tungkulin nating pangalagaan ang kalikasan bilang tagapangalaga ng nilikha ng Diyos.

Ang mga prinsipyong ito ay hindi lamang teorya—ito ay paanyaya sa pagkilos. Sa gitna ng kaguluhan sa mundo, paalala sa atin ng CST na ang pananampalataya ay hindi natatapos sa dasal. Ito ay isinasabuhay sa pamamagitan ng paggalang sa karapatan ng bawat isa, pagkalinga sa mahihirap at naaapi, pagkakaisa sa gitna ng pagkakaiba, pagprotekta sa kalikasanm at pagpapahalaga sa pamilya at komunidad.

"Ang pananampalatayang walang gawa ay patay." – Santiago 2:26

Nawa’y maging buhay ang ating pananampalataya sa pamamagitan ng pagmamalasakit sa kapwa at pagtindig para sa katarungan. Sa bawat maliit na kabutihang ginagawa natin—isang ngiti, isang tulong, isang panalangin—tayo ay nagiging liwanag sa mundong madilim.

__________________________________________________________________

Follow our official social media accounts:

Facebook: https://web.facebook.com/dioceseofimus

Jubilee 2025 Facebook page: https://www.facebook.com/Jubilee2025DioceseOfImus

YouTube: https://www.youtube.com/@dioceseofimus1961

#DioceseOfImus #Jubilee2025 #LakbayPagAsa #PilgrimsofHope #CaritasImus #MakaBuhayMonth #SapatDapatParaSaLahat #MinistriSaKabataan #MinistriSaPanlipunangKomunikasyon #MinistriSaPagkalinga  #PanlipunangKaturuan #CatholicSocialTeaching #LifeAndDignity #FaithInAction

IMUS CITY - Ngayong linggo, isang panibagong yugto ng pagkilos ang ating binubuksan sa pamamagitan ng Volunteer Mobilization Program ng Caritas Imus – KASAMA, tayo ay iniimbitahang maglingkod, makisangkot, at magkaisa para sa kabutihang panlahat.

𝑺𝒂𝒑𝒂𝒕 𝑫𝒂𝒑𝒂𝒕 𝑷𝒂𝒓𝒂 𝒔𝒂 𝑳𝒂𝒉𝒂𝒕 – 𝒅𝒂𝒉𝒊𝒍 𝒘𝒂𝒍𝒂𝒏𝒈 𝒅𝒂𝒑𝒂𝒕 𝒎𝒂𝒊𝒘𝒂𝒏.

𝑺𝒂𝒎𝒂-𝒔𝒂𝒎𝒂 𝒔𝒂 𝑷𝒂𝒈-𝒂𝒔𝒂 – 𝒅𝒂𝒉𝒊𝒍 𝒂𝒏𝒈 𝒑𝒂𝒈-𝒂𝒔𝒂 𝒂𝒚 𝒔𝒂𝒃𝒂𝒚𝒂𝒏𝒈 𝒊𝒕𝒊𝒏𝒂𝒕𝒂𝒚𝒐.

Ikaw man ay propesyonal, estudyante, manggagawa, o kabataang may malasakit—may lugar ka sa paglilingkod. Maliit man o malaki, ang ambag mo ay mahalaga.

I-scan ang QR code o lumapit sa Ministry representatives upang mag-volunteer.

https://forms.gle/z1WgouhWH48CPASf6

https://forms.gle/z1WgouhWH48CPASf6

https://forms.gle/z1WgouhWH48CPASf6

Buhay ang Simbahan kung buhay ang malasakit. Maging KASAMA—dahil sapat ang pag-ibig ng Diyos, at sapat dapat para sa lahat.

Panoorin ang mensahe mula sa ating mahal na Obispo, Lubhang Kagalang-galang Reynaldo G. Evangelista, D.D.

_______________________

Follow our official social media accounts:

Facebook: https://web.facebook.com/dioceseofimus

Jubilee 2025 Facebook page: https://www.facebook.com/Jubilee2025DioceseOfImus

YouTube: https://www.youtube.com/@dioceseofimus1961

#DioceseOfImus #Jubilee2025 #LakbayPagAsa #PilgrimsofHope #CaritasImus #MakaBuhayMonth #SapatDapatParaSaLahat #MinistriSaKabataan #MinistriSaPanlipunangKomunikasyon #MinistriSaPagkalinga #PanlipunangKaturuan #CatholicSocialTeaching #LifeAndDignity #FaithInAction #MakaBuhayMonthWeek3 #SamaSamaSaPagasa #KASAMA

INDANG, CAVITE — Isang makasaysayang misa ng pasasalamat ang pinangunahan ni Apostolic Nuncio to the Philippines, H.E. Most Rev. Charles John Brown, D.D., katuwang ang Lubhang Kagalang-galang Reynaldo G. Evangelista, D.D., Obispo ng Imus, at mga kaparian ng Diyosesis ng Imus, bilang paggunita sa ika-400 taon ng pagkakatatag ng St. Gregory Parish sa bayan ng Indang. Ang pagdiriwang ay ginanap noong ika-30 ng Mayo sa ilalim ng temang “𝗣𝗔𝘀𝗮𝘀𝗮𝗹𝗮𝗺𝗮𝘁 𝘀𝗮 𝗠𝗔𝘆𝗮𝗺𝗮𝗻𝗴 𝗡𝗔𝗸𝗮𝗿𝗮𝗮𝗻.”

Sa loob ng halos apat na siglo, naging matatag ang paglalakbay ng parokya sa misyon nitong ipalaganap ang Salita ng Diyos at pagyamanin ang pananampalatayang Kristiyano sa sambayanang patuloy na nagkakaisa. Ang pagbabalik-tanaw sa mayamang kasaysayan ng parokya ay hindi lamang isang pag-alala, kundi isang patunay ng biyayang patuloy na dumadaloy mula sa Diyos—isang pamanang espiritwal na ipinapasa mula henerasyon sa henerasyon.

Ang pagdiriwang na ito ay naging sagisag ng masiglang pananampalataya at matibay na ugnayan ng sambayanan, na patuloy na tumatanggap at nagpapalago ng biyayang iniukit ng kasaysayan at pananampalataya.

“Thank God for your Catholic faith. Thank God for these 400 years of joy, faith, hope, and love here in Indang.” - H.E. Most Rev. Charles John Brown, D.D., Apostolic Nuncio to the Philippines

(Ulat at larawan mula sa Diocese of Imus -Jubilee 2025 Media Team)

_______________________

Follow our official social media accounts:
Facebook: https://web.facebook.com/dioceseofimus
Jubilee 2025 Facebook page: https://www.facebook.com/Jubilee2025DioceseOfImus
YouTube: https://www.youtube.com/@dioceseofimus1961
#StGregory400
#Ika400Pamana 
#PAMANA400
#SanGregorioMagno 
#Jubilee2025
#LakbayPagAsa
#PilgrimsofHope
#DioceseOfImus 

Quarterly Meeting ng BEC ng Probinsya Eklesiastiko ng Maynila

Noong Lunes, Mayo 26, ginanap ang Quarterly Meeting ng Basic Ecclesial Communities (BEC) ng Probinsya Eklesiastiko ng Maynila sa Diocese of Parañaque.

Dumalo rito ang mga kinatawan mula sa 9 na diyosesis: Imus, Maynila, San Pablo, Pasig, Novaliches, Cubao, Malolos, Parañaque, at Antipolo. Pinangunahan ito ng BEC PEM Council.

Sa pagpupulong na ito isinagawa ang planning at pagbuo ng mga strategy upang higit pang mapalakas ang BEC sa bawat diyosesis. Ang pagtitipon ay naging pagkakataon para sa sama-samang pagninilay, pagbabahagi, at pagtutulungan para sa iisang layunin — ang mas pinatibay na Simbahan sa mga pamayanan.

BACOOR CITY -  Isang makasaysayang sandali ang naitala sa pagitan ng Media Ministry ng The Holy Trinity Parish (THTP) – Bacoor at ng Sto. Niño de Praga Parish (SNDPP) – Antipolo, isang araw bago ang Pandaigdigang Araw ng Panlipunang Komunikasyon. Mula sa lungsod ng Bacoor, bumiyahe ang mga lingkod ng THTP-Media Ministry patungong Antipolo upang maghatid ng kaalaman at inspirasyon sa pamamagitan ng isang seminar para sa mga kasapi ng panlipunang komunikasyon ng SNDPP noong huling araw ng Mayo 2025. 

Unang nagbahagi si Bro. Marc Peñaredondo, kasalukuyang Lay Coordinator ng THTP-Media Ministry, tungkol sa kanilang karanasan sa temang “A Year with HOPE: Sharing Experiences with SNDPP-SOCOMM.” Sa kaniyang talumpati, inilahad niya ang mga pinagdaanang hamon at tagumpay ng kanilang ministry—mula sa mga heartaches, opportunities, presence, at endurance—na nagsilbing pundasyon ng kanilang patuloy na paglago. Ibinahagi rin niya kung paano naging daluyan ng pag-asa ang kanilang ministeryo sa kabila ng mga pagsubok. 

Kasunod niya si Sis. Ann Peñaredondo, isang Auxiliary Member ng THTP-SOCOMM, na nagbigay ng makabuluhang talakayan ukol sa “Social Media Management & Etiquette.” Tinalakay niya ang mga praktikal na tips at tamang asal sa paggamit ng social media, gayundin ang mga gabay upang epektibong makipag-ugnayan sa mga mananampalataya sa pamamagitan ng makabagong teknolohiya at digital platforms. 

Mas naging makabuluhan ang pagtitipon sa pagbabahaginan ng mga karanasan at kaalaman ng mga kasapi mula sa parehong parokya. Sinundan ito ng isang tour sa loob ng simbahan ng SNDPP, kung saan nakita ng mga taga-Bacoor ang kanilang SOCOM setup. Ang diwa ng pagbabahaginan ay hindi natapos sa mga sesyon, kundi nagpatuloy pa sa mas personal na pag-uusap habang nililibot ang simbahan.

Isang tunay na mabiyaya, makasaysayan, at mapagpalang araw ang naging pagtatapos ng Mayo para sa SOCOMM ng parehong parokya. Sa kabila ng distansya at bundok na naghihiwalay sa kanila, nabuo ang isang bagong pagkakaibigan at ugnayan na tiyak na magpapatuloy.

Ang THTP-Bacoor SOCOMM ay patuloy na magsusulong ng ganitong mga gawain—pag-abot sa mga kapatid sa Media Ministry na nangangailangan ng paggabay at inspirasyon. Sa bawat paglalakbay, hindi lamang ang mga tinutulungan ang natututo, kundi maging ang mga nagbibigay ay napagyayaman din ng mga karanasang kanilang pinagsasaluhan.   (Ulat ni Marc Peñaredondo, SOCCOM — THTP, Larawang kuha ng SOCCOM — THTP ) 

Para sa karagdagang impormasyon bisitahin ang Official FB Page ng The Holy Trinity Parish-Bacoor. 

________________________________________________________________________________________________________

Follow our official social media accounts:

Facebook: https://web.facebook.com/dioceseofimus

Jubilee 2025 Facebook page: https://www.facebook.com/Jubilee2025DioceseOfImus

Youtube: https://www.youtube.com/@dioceseofimus1961

#Jubilee2025

#LakbayPagAsa

#PilgrimsofHope

#DioceseOfImus 

 San Jose, GMA, Cavite — Isinagawa ang Byaheng Kalusugan: Monthly Medical Mission sa Parokya ng San Jose Manggagawa noong Sabado, ika-31 ng Mayo 2025, matapos ang banal na misa sa umaga. Sa pangunguna ng Kaagapay sa Mabuting Kalusugan (KASAMAKA) at Caritas Imus, matagumpay na naisakatuparan ang misyong pangkalusugan sa Parish Hall ng parokya. 

Layunin ng Byaheng Kalusugan na maabot at matugunan ang mga pangunahing pangangailangang medikal ng mga komunidad sa diyosesis, lalo na ang mga kapus-palad at nasa laylayan ng lipunan. Sa buwanang misyong ito, maraming residente ng GMA, kabilang ang mga senior citizen, kababaihan, at kabataan, ang nakinabang sa libreng serbisyong medikal, optikal, at dental, kasama na ang iba pang tulong na pangkalusugan. 

Sa direksyon at masigasig na pamumuno ni Rev. Fr. Alfred Maramara, Kura Paroko ng Parokya ng San Jose Manggagawa, naging organisado at maayos ang daloy ng programa. Katuwang niya ang mga lider-layko, mga boluntaryo ng parokya, ang JCFCG Medical Team, at ang Caritas Imus, na nagsama-sama upang maisakatuparan ang makabuluhang gawain. 

Isang kapuri-puring tagpo rin ang pagboluntaryo ng isang dagdag na doktor mula sa mismong parokya upang tugunan ang hindi inaasahang dami ng mga pasyente, partikular sa dental service. Ang hakbanging ito ay patunay ng diwa ng bayanihan at malasakit sa kapwa, na isinusulong ng Caritas Imus sa ilalim ng kanilang mga programang pangkomunidad. 

Ayon sa mga benepisyaryo, labis ang kanilang pasasalamat sa mga serbisyong kanilang natanggap — mga biyayang ipinagkaloob ng Diyos sa pamamagitan ng mga taong handang maglingkod. Maging ang mga miyembro ng medical team ay nagpahayag ng kasiyahan sa naging pagtanggap at pakikiisa ng komunidad. 

Ang Byaheng Kalusugan ay isa sa mga biyaheng isinusulong ng Caritas Imus sa ilalim ng kanilang Byahe Tayo Program — isang patuloy na panawagan ng pagkilos, pagkalinga, at pag-asa para sa bawat Caviteño. 

Para sa mga susunod na iskedyul ng Byaheng Kalusugan at iba pang programa, bisitahin ang aming opisyal na pahina o makipag-ugnayan sa inyong parokya. 

 "Ako'y dayuhan at inyong pinatuloy." - Mateo 25:35

MOLINO, BACOOR -   Noong Miyerkules, ika-21 ng Mayo 2025, ganap na ika-6 ng gabi, isinagawa ang pormal na pagbabasbas ng Domus Niño—isang silid-tulugan na inilaan para sa mga kapatid nating walang tahanan. Ang makabuluhang proyektong ito ay inilunsad ng Parokya ng Santo Niño de Molino bilang konkretong tugon sa panawagan ng Ebanghelyo at sa adhikain ng isang Simbahang Sinodal—isang Simbahang nakikinig, nakikibahagi, at naglilingkod.

Bilang bahagi ng inisyatibong ito, nagtayo ang parokya ng dalawang silid: isa para sa mga kalalakihan at isa para sa mga kababaihan. Bawat silid ay may apat na kama at may hiwalay na banyo at paliguan upang matiyak ang kalinisan, kaayusan, at higit sa lahat, ang dignidad ng mga pansamantalang maninirahan.

Ang Domus Niño ay isang patunay ng pagkilos ng Simbahan sa lokal na antas—isang tahanang bukás para sa nangangailangan, at isang paalala na ang bawat isa ay may lugar sa puso ng pamayanan.

Para sa karagdagang impormasyon, maaaring bisitahin ang opisyal na Facebook page ng parokya: https://www.facebook.com/stoninodemolino

#JubileeYear2025  #DiyosesisNgImus #StoNinodeMolinoParish #StoNinodeMolino #SanEzekielMoreno #LakbayPagAsa #PilgrimsOfHope

𝐒𝐀𝐏𝐀𝐓 𝐃𝐀𝐏𝐀𝐓! 𝐏𝐀𝐑𝐀 𝐒𝐀 𝐋𝐀𝐇𝐀𝐓! 𝐒𝐀𝐌𝐀 - 𝐒𝐀𝐌𝐀 𝐒𝐀 𝐏𝐀𝐆 - 𝐀𝐒𝐀! 

GENERAL TRIAS, CAVITE - Idinaos   noong  ika-10 ng Mayo sa St. Gabriel the Archangel Parish ang oryentasyon para sa sama-samang paghahanda sa nalalapit na Diocesan Maka-buhay Month Celebration ngayong darating na ika-18 ng Mayo hanggang ika-15 ng Hunyo, 2025 — isang buwang paggunita at pagkilos para sa buhay, dignidad, at pag-asa ng bawat isa sa pangunguna ng Caritas Imus sa kolaborasyon mula sa mga kasapi ng Ministri sa Pagkalinga, Ministri sa Kabataan, at Ministri sa Panlipunang Komunikasyon ng Diyosesis ng Imus. 

Hangarin ng Caritas Imus ang sama-samang pagtataguyod ng pag-asa at pagkakaisa tungo sa masaganang buhay mula sa magkakapit-bisig na pagkilos para sa ating mga kapatid na nangangailangan. Magsilbi nawang unang hakbang ng pakikilakbay sa maka-buhay ang oryentasyong inilunsad na ito upang maging makabuluhan ang pagmimisyon sa Diyos, Simbahan, at Pamayanan, kaisa't kalakbay ang mga kapatid nating nais ialay at ibahagi ang sarili para sa iba. 

[Photo Courtesy: Jubilee Media Team 2025]
_______________________
Visit our website and follow our official social media accounts:
Website: https://www.dioceseofimus.org/
Facebook: https://web.facebook.com/dioceseofimus
Jubilee 2025 Facebook page: https://www.facebook.com/Jubilee2025DioceseOfImus
Youtube: https://www.youtube.com/@dioceseofimus1961
#CaritasImus
#SapatDapatParaSaLahat #SamaSamaSaPagasa
#MakaBuhay2025
#Jubilee2025
#LakbayPagAsa
#PilgrimsofHope
#DioceseOfImus 

PRAYER FOR THE NEWLY ELECTED POPE
His Holiness POPE LEO XIV

O God, Eternal Shepherd, we thank you for our new Holy Father.  Grant him wisdom, strength, and holiness as he leads your Church with love.  Guide him by your Spirit and  keep us united in faith and charity.  Through Christ our Lord. Amen.

St. Michael the Archangel, defend us in battle.  Be our defense against the wickedness and snares of the Devil.  May God rebuke him, we humbly pray, and do thou, O Prince of the heavenly hosts, by the power of God, thrust into hell Satan, and all the evil spirits, who prowl about the world seeking the ruin of souls.  Amen. 

Mary, our Lady of Grace, pray for us.
Saint Joseph, pray for us.
All saints and angels in heaven, pray for us.

In the name of the Father, the Son, and the Holy Spirit. Amen.
_______________________
Visit our website and follow our official social media accounts:
Website: https://www.dioceseofimus.org/
Facebook: https://web.facebook.com/dioceseofimus
Jubilee 2025 Facebook page: https://www.facebook.com/Jubilee2025DioceseOfImus
Youtube: https://www.youtube.com/@dioceseofimus1961
#Jubilee2025
#LakbayPagAsa
#PilgrimsofHope
#Conclave2025
#DioceseOfImus

Get to know the 267𝘁𝗵 successor of Saint Peter.
Cardinal Robert Francis Prevost
POPE LEO XIV
_______________________
Visit our website and follow our official social media accounts:
Website: https://www.dioceseofimus.org/
Facebook: https://web.facebook.com/dioceseofimus
Jubilee 2025 Facebook page: https://www.facebook.com/Jubilee2025DioceseOfImus
Youtube: https://www.youtube.com/@dioceseofimus1961
#Jubilee2025
#LakbayPagAsa
#PilgrimsofHope
#Conclave2025
#DioceseOfImus

Habemus Papam! We have a Pope! Praise be to God!


_______________________
Visit our website and follow our official social media accounts:
Website: https://www.dioceseofimus.org/
Facebook: https://web.facebook.com/dioceseofimus
Jubilee 2025 Facebook page: https://www.facebook.com/Jubilee2025DioceseOfImus
Youtube: https://www.youtube.com/@dioceseofimus1961
#Jubilee2025
#LakbayPagAsa
#PilgrimsofHope
#Conclave2025
#DioceseOfImus

The Boardroom, LPU Cavite – Mayo 7, 2025 

Isang makasaysayang kasunduan ang nilagdaan ngayong ika-7 ng Mayo 2025 sa pagitan ng Lyceum of the Philippines University (LPU) – Cavite at ng Caritas Diocese of Imus Foundation, Inc. (Caritas Imus), sa isang seremonyang ginanap sa The Boardroom ng LPU Cavite. Layunin ng Memorandum of Agreement (MOA) na pagtibayin ang ugnayan ng dalawang institusyon sa pagpapatupad ng mga makabuluhang programang pangkomunidad at pangkawanggawa. 

Ang inisyatibong ito ay isinulong ng LPU Cavite sa pangunguna ni Dr. Fedelyn Estrella, Head of Community Outreach and Service Learning, bilang bahagi ng kanilang layunin na mapalawak pa ang epekto ng kanilang mga extension programs. 

Ang bagong kasunduan ay bahagi ng mas malawak na adbokasiya ng Caritas Diocese of Imus sa ilalim ng KASAMA Program— Kalakbay Sa Malasakitan. Bahagi ng programang ito ang KASAMA Institution, na siyang nakatuon sa pakikipag-ugnayan sa mga institusyong pang-edukasyon at iba pang organisasyon upang isulong ang faith-inspired social action sa pamamagitan ng edukasyon, bolunterismo, at konkretong serbisyo sa kapwa. Sa pamamagitan ng KASAMA Institution, pinalalalim ang diwa ng pakikipag-kapwa at sama-samang pagbabago sa pamamagitan ng mga strategic partnerships tulad ng isinagawang MOA signing. 

Pormal na sinimulan ang programa sa isang panimulang panalangin at pag-awit ng Pambansang Awit ng Pilipinas sa pamamagitan ng audio-visual presentations. Sinundan ito ng mainit na pagtanggap mula kay Dr. Maria Teresa O. Pilapil, Vice President for Administration ng LPU Cavite, na nagpahayag ng buong suporta sa pakikipagtulungan sa Caritas Imus. 

Nagbigay naman ng mas malalim na pagtalakay sa mga programa at adbokasiya ng LPU Cavite si Ms. Mia Aiko O. Pilapil, Head ng Internationalization and External Affairs. Kasunod nito, inilahad ni Rev. Fr. Knoriel A. Alvarez, Pangulo ng Caritas Diocese of Imus Foundation, Inc., ang misyon at mga inisyatiba ng Caritas Imus, gayundin ng Social Action Commission ng Diyosesis ng Imus. 

Nagbigay rin ng karagdagang impormasyon si Jon Augustin "Jong" Lazaro, Information and Communication Officer ng Caritas Imus, tungkol sa mga kasalukuyang proyekto ng kanilang organisasyon na naglalayong mas mapalapit ang serbisyo sa mga nangangailangan. 

Ang pinakahihintay na bahagi ng programa ay ang pormal na paglagda ng Memorandum of Agreement, na nagsilbing hudyat ng opisyal na pagsisimula ng mas malalim na kooperasyon sa pagitan ng dalawang panig. 

Bilang pagtatapos, nagbigay ng inspirasyonal na mensahe si Dr. Mark Irvin C. Celis, Vice President for Academic Affairs ng LPU Cavite. Ayon sa kanya, ang mga programa ng Caritas Imus ay lubos na naaayon sa layunin ng pamantasan para sa holistic development ng kanilang mga mag-aaral, guro, at buong komunidad. 

Dumalo rin sa pagtitipon si Ms. Raizza P. Corpuz, Director of the Center for Student Affairs ng LPU Cavite, kasama ang mga Lay Pastoral Workers ng Caritas Imus na patuloy na nagsusulong ng mga gawaing pangkomunidad sa ilalim ng Simbahan. 

Sa pamamagitan ng kasunduang ito, inaasahang magiging mas matatag at mas makabuluhan pa ang mga hakbangin ng LPU Cavite at Caritas Diocese of Imus sa ilalim ng KASAMA Program—isang konkretong hakbang patungo sa sama-samang pag-asa, paglilingkod, at pagbabago para sa mga nasa laylayan ng lipunan.