BACOOR, CAVITE — Ipinagdiwang noong Setyembre 29, 2026 ang kapistahan ni San Miguel Arkanghel pamamagitan ng isang Misa Concelebrada na pinangunahan ni Lub. Kgg. Reynaldo G. Evangelista, D.D., Obispo ng Imus.

Dinaluhan ng mga mananampalataya at deboto ang banal na misa bilang pagpapahayag ng kanilang pananampalataya at debosyon kay San Miguel Arkanghel.

Naging tampok din sa pagdiriwang ang pagbibigay ng medalyon sa mga paring naging katuwang ng parokya sa mga nakalipas na taon. Sa pamamagitan nito, kinilala at pinasalamatan ang kanilang tapat na paglilingkod, pakikiisa, at ambag sa buhay-pananampalataya ng pamayanan.

Binigyang-halaga rin sa pagdiriwang ang pakikiisa ng buong komunidad sa kapistahan. Sa pagtatapos ng mga gawain, nagpaabot ng pasasalamat si Bro. Arthur Bernardo Castor, Hermano de San Miguel 2026, sa lahat ng mga indibidwal, deboto, at mga paring nakiisa at naging bahagi ng pagdiriwang.

Ang Pistang San Miguel 2026 ay nagsilbing pagkakataon upang higit na mapagtibay ang pananampalataya at pagkakaisa ng pamayanan, habang patuloy na hinihiling ang paggabay at pamamagitan ni San Miguel Arkanghel.

After 34 years, a sitting bishop of the Diocese of Imus has again led the celebration of the feast of Our Lady of Peñafrancia at the Casa de Monteverde subdivision in Barangay Francisco de Castro, Gen. Mariano Alvarez, Cavite.

Most Rev. Reynaldo G. Evangelista presided over the Concelebrated Mass for the annual celebration of the enshrinement of the images of Our Lady of Peñafrancia and the Divino Rostro, or the Holy Face of Jesus, at the Birhen ng Peñafrancia (BNP) Chapel, which was attended by devotees and the local faithful, with some of them tracing their roots to the Bicol Region.

In his homily, Bishop Evangelista reflected on the celebration's theme, "Birheng Maria: Huwaran sa Pagsunod at Pakikinig sa Kalooban ng Diyos na Nagbibigay-Pag-Asa sa Ating Matatag na Pananampalataya," as he recalled the Blessed Virgin Mary's fiat, or her total trust and surrender to God's will when she was chosen to become the mother of our Lord Jesus Christ.

"God is speaking to us, kagaya ng nangyari sa Mahal na Birheng Maria. Ano ang ginawa ni Maria? Nakinig – at sumunod. Kung tayo ay mga tunay na deboto ng Mahal na Birhen ng Peñafrancia, matutong makinig. Listen to God. Kailan? Araw-araw,” the bishop said, connecting the Virgin Mary's experience to this year's Taon ng Pakikinig in the Diocese of Imus.

The Eucharistic celebration marked a full-circle moment for the BNP Chapel community since September 1992, when the then bishop of Imus, Most Rev. Manuel C. Sobreviñas, presided over the Mass for the enshrinement of the images.

Rev. Fr. Alfredo A. Maramara, parish priest of San Jose Manggagawa Parish that has jurisdiction over BNP Chapel, also joined the Mass as a concelebrating priest.

More than a week ago, on Sept. 16, Fr. Alfredo A. Maramara presided over the ninth novena Mass for the feast of Nuestra Señora de Peñafrancia de Paliparan, the patroness of Kristong Hari Parish in Paliparan III, Dasmariñas City.

The image of Our Lady of Peñafrancia at BNP Chapel was originally from Naga City, where a minor basilica and national shrine is dedicated to her honor and in recognition of the deep devotion of the Bicolanos, who fondly call her "Iná." 

Other activities during the Peñafrancia fiesta at BNP Chapel were the "Palarong Peñafrancia" at the Casa de Monteverde covered court, led by the local Youth Ministry, and the traditional Karakol held late afternoon.

Prior to the fiesta Mass, the BNP Chapel community held a localized version of the Traslacion procession to the San Jose Manggagawa Parish on Sept. 13, a fun walk-run entitled "Run/Walk in Faith" on Sept. 19, and the triduum Masses on Sept. 24–26.

TRECE MARTIRES CITY, CAVITE — Setyembre 25, 2026. Maagang nagtipon ngayong araw ang mga kinatawan mula sa iba’t ibang parokya ng Diyosesis ng Imus sa San Gregorio Magno Parish, Trece Martires City, para sa pagdiriwang ng Ika-40 National Migrants’ Sunday.
‎
‎Mula 7:00 ng umaga, naging masigla ang lugar sa pagdating at pagpaparehistro ng mga kalahok. Sa kabila ng maagang oras, kapansin-pansin ang kanilang sigla at pananabik na makiisa sa isang araw ng panalangin, pagninilay at pakikipagkapwa para sa mga migranteng kapatid at kanilang mga pamilya.
‎
‎Sinimulan ang programa sa Morning Prayer at Banal na Rosaryo, na pinangunahan ni Lorna Ilustre kasama ang ExeCom, bilang paghahanda ng puso at diwa ng mga kalahok sa buong pagdiriwang.
‎
‎Sinundan ito ng paghahanda para sa Banal na Eukaristiya at final assembly bago ganap na simulan ang Concelebrated Holy Eucharist sa ganap na 9:00 ng umaga, sa pangunguna ni Most Rev. Reynaldo G. Evangelista, D.D., Obispo ng Imus.
‎
‎Matapos ang Banal na Misa, nagkaroon ng Healthy Break at Fellowship kasama ang kabataan ng San Gregorio Magno Parish.
‎
‎Nagpatuloy ang programa sa Opening Remarks ni Rev. Fr. Diony Vargas Palingping, Priest Animator ng Ministry for Migrants, na nagbigay-diin sa kahalagahan ng patuloy na pagsama at paglilingkod ng Simbahan sa mga migranteng kapatid.
‎
‎Sinundan ito ng pagpapakilala sa resource speaker ni Cherry T. Reyes, Pastoral Family and Life Officer, bago ibinahagi ni Sr. Ruth Baguinon, SDS, Executive Director ng SPCC, ang kanyang mensahe at pagninilay para sa mga kalahok.
‎
‎Sa pamamagitan ng pagtitipong ito, muling nabibigyang-halaga ang tinig at kuwento ng mga migrante—at ang paanyaya sa bawat isa na maging bahagi ng isang Simbahang nakikinig, nakikiramay, nagsasama at kumikilos para sa dignidad ng bawat migranteng kapatid.

CAVITE — Lumahok ang mga miyembro ng Diocese of Imus Ministry on Ecology (DIMEc) sa Green State of Nature Assessment (Green SONA) na ginanap noong Setyembre 23, 2026 sa Cavite State University International Convention Center.

Ang kumperensya ay isang multi-sectoral gathering na naglalayong talakayin ang kalagayan ng kapaligiran sa bansa at tukuyin ang mga kolektibo at praktikal na hakbang tungo sa pangangalaga at pagpapanatili ng kalikasan.

Dinaluhan ito ng mga kinatawan mula sa pamahalaan at iba't ibang ahensya, akademya at mga mananaliksik, civil society at environmental organizations, community advocates, private sector, at faith-based groups. Kabilang sa mga paksang tinalakay ang sustainable water management, river-basin quarrying, Pax Silica, epekto ng renewable-energy structures sa biodiversity, nature-based solutions, offshore mining, solid waste management, hazardous chemicals sa plastics, at partisipasyon ng mga komunidad sa pagpapatupad ng environmental laws.

Sa pamamagitan ng Green SONA, nabibigyang-daan ang pagkakaisa ng iba't ibang sektor upang pag-usapan ang mga lokal at rehiyonal na suliraning pangkapaligiran kaugnay ng mas malawak na hamon sa sustainability ng bansa.

Kinatawan ng DIMEc sa programa si Rev. Fr. Miguel Reyes Concepcion III, DIMEc Priest Animator, na naghatid ng closing remarks. Sa pamamagitan ng pakikilahok na ito, muling ipinakita ng DIMEc ang papel ng Simbahan bilang katuwang sa pagsusulong ng ecological responsibility at pangangalaga sa ating common home.

Bilang resulta ng pagtitipon, bubuuin ang “Manifesto for a Sustainable Tomorrow,” na ipararating sa mga kaukulang institusyon at ahensiyang maaaring tumugon sa mga panawagan at resolusyon nito.

Sa diwa ng Season of Creation, patuloy na hinihikayat ang bawat sektor na makiisa sa pangangalaga sa kalikasan bilang pananagutan sa Diyos, sa kapwa, at sa ating iisang tahanan—ang mundong ating pinamumuhayan.

BACOOR, CAVITE - Dinaluhan ng mga mananampalataya ng Parokya ng Banal na Santatlo sa Barangay San Nicolas II ang kapistahan ng kanilang Patrona, ang Nuestra Señora dela Merced de Bacoor.

Ginanap kahapon Setyembre 24, 2026, ang Misa Concelebrada, sa oras na ika-5 ng hapon. Ang Banal na Pagdiriwang na ito ay pinangunahan ng Obispo ng Diyosesis ng Imus, Lub. Kgg. Reynaldo G. Evangelista, D.D., kasama ang kura-paroko ng parokya na si Rev. Fr. Ariel M. Lisama.

Ibinahagi sa homiliya ng obispo ang debosyon ng Mahal na Birhen ng dela Merced na nagsimula pa noong 13th Century o taong 1223 sa espanya nang dahil maraming tao ang naging alipin ng mga muslim at dito rin naitatag ang Mercedarians nina San Pedro Nolasco, San Raymundo de Peñafort, at Hari ng Espanya upang mailigtas at matubos ang mga taong nabihag ng mga muslim. Iniugnay rin ang homiliya sa tema ng kapistahan na "Mahal na Birhen dela Merced: Nakikinig sa Bawat Dalangin", na inilalarawan sa Taon ng Pakikinig ng ating diyosesis. Binanggit ng obispo na ang Diyos ay nagsasalita sa ating paggising na "Ikaw ay buhay, kaloob ko sa iyo ang buhay ang iyong hininga", na nagsasaad na dapat tayong magpasalamat at pahalagahan ang buhay na kaloob dahil ang Diyos ay laging nakikinig sa atin.

Bilang bahagi ng pagtatapos ng pagdiriwang, pinangaralan nila ang Mahal na Birhen ng dela Merced. 

Sa pagtatapos ng kapistahang ito, nawa’y ang mga mananampalataya ay matutong makinig at tumugon sa Diyos, at isapuso ang Kaniyang mga Salita, at gawing ehemplo ang Mahal na Birheng Maria bilang huwaran ng pakikinig at pagtugon.  

GMA, Cavite — Isinagawa ngayong Setyembre 23, 2026, sa San Jose Manggagawa Parish, GMA, Cavite ang ikapitong module ng Pastoral Care Volunteer Training (PCVT) ng Ministri sa mga May Karamdaman.

Dinaluhan ito ng mga pastoral care volunteer na patuloy na hinuhubog sa pagbibigay ng presensya, pakikinig, at malasakit sa mga may karamdaman. Tinalakay sa PCVT Module 7: “How to Visit Pediatric Patients” ang mga mahahalagang prinsipyo at wastong pamamaraan sa pagbisita sa mga batang pasyente. Binigyang-diin ang kahalagahan ng pagiging maingat, maunawain, at angkop sa edad ng bata sa pakikipag-usap at pagbibigay ng pastoral na suporta.

Layunin ng pagsasanay na ihanda ang mga pastoral care volunteer sa mas maayos at makataong paglilingkod, lalo na sa mga batang nangangailangan ng kalinga at presensya sa panahon ng karamdaman.

General Trias City, Cavite — Setyembre 24, 2026. Sama-samang nakiisa ngayong araw ang mga sambayanan ng Bikaryato ni San Francisco de Asis sa Pang-Bikaryang Pagdiriwang ng Ika-800 Anibersaryo ng Kamatayan ni San Francisco de Asis, bilang paggunita sa kanyang buhay, pananampalataya, at natatanging halimbawa ng pagsunod sa Diyos.

Nakiisa sa pagdiriwang ang mga sumusunod na parokya: Parokya ng Mahal na Birhen ng Guadalupe, Parokya ni San Judas Tadeo, Parokya ng Mahal na Birhen ng Lourdes, Parokya ni San Gregorio Magno, Parokya ni San Vicente Ferrer, Parokya ni San Gabriel Arkanghel, Parokya ng Mahal na Birhen ng Anunsasyon, Parokya ng Mahal na Birheng Maria Mapag-ampon sa mga Kristiyano, at Parokya ni San Francisco de Asis.

Kasama rin sa pagdiriwang ang tatlong sambayanang naghahanda upang maging ganap na parokya: ang Sambayanan ni Santa Rita de Cascia, Sambayanan ng Mahal na Birheng Maria, Ina ng Tagapagligtas, at Sambayanan ni Santa Teresa ng Calcutta.

Panalangin at Pangangalaga sa Sangnilikha

Sinimulan ang pagdiriwang sa pamamagitan ng panalangin at pagtatanim ng mga puno sa General Trias City Park, bilang konkretong pagpapahayag ng malasakit sa sangnilikha—isang pagpapahalagang malapit sa puso at buhay ni San Francisco de Asis.

Matapos ang pagtatanim ng mga puno, isinagawa ang karakol patungo sa Parokya ni San Francisco de Asis. Naging tanda ito ng sama-samang paglalakbay at pagkakaisa ng mga sambayanan ng Bikaryato sa paggunita sa mahalagang anibersaryo.

Pagbabalik sa Halimbawa ni San Francisco

Sinundan ito ng isang banal na pagsasanay o recollection na pinangunahan ni Rev. Fr. Manny David, Kura Paroko ng Parokya ni San Vicente Ferrer. Nagbigay ito ng higit na kaalaman at kamalayan sa mga dumalo tungkol sa buhay, pananampalataya, at halimbawa ni San Francisco de Asis, gayundin sa mga hamon at paanyaya nito sa bawat mananampalataya.

Nagkaroon din ng pagkakataon para sa bahaginan, kung saan naibahagi ng mga kalahok ang kanilang mga karanasan at pagninilay sa tulong at paggabay ng tagapagpadaloy ng banal na pagsasanay. Nagkaroon din ng pagkakataon ang mga dumalo na magpakuha ng mga larawan bilang alaala ng kanilang pakikiisa sa makabuluhang pagdiriwang.

Pagbabalik-tanaw sa Mabuting Pagkatao

Tinapos ang pagdiriwang sa pamamagitan ng Banal na Misa na pinangunahan ni Rev. Fr. Glen Dela Peña, Vicar Forane ng Bikaryato ni San Francisco de Asis at Tagapamahala ng Sambayanang Naghahanda na Maging Parokya ni Santa Rita de Cascia.

Sa kanyang homiliya, binigyang-diin ni Rev. Fr. Randy S. De Jesus, Kura Paroko ng Mary Help of Christians Parish, na ang pagdiriwang ng ika-800 anibersaryo ng kamatayan ni San Francisco de Asis ay isang paanyaya na magbalik-tanaw sa ating mabuting pagkatao at sa paraan ng ating pakikipag-ugnayan.

Mahalagang suriin muli ang ating kaugnayan sa Diyos, sa sarili, sa kapwa, at sa sangnilikha. Sa pagbabalik-tanaw sa mga ugnayang ito, muli nating natutuklasan ang kabutihang ipinagkaloob ng Diyos at kung paano natin ito maisasabuhay sa pagmamahal, malasakit, pagpapakumbaba, at paglilingkod.

Ang ganitong pagbabalik-tanaw ay umaakay sa atin tungo sa karanasan ng kapayapaan at mabuting pamumuhay—isang buhay na nakaayon sa Diyos, may malasakit sa kapwa, may pagkalinga sa sarili, at may paggalang sa sangnilikha.

Tulad ni San Francisco, inaanyayahan ang bawat isa na mamuhay nang malapit sa Diyos at gawing konkretong pagkilos ang pananampalataya sa pamamagitan ng mabuting pamumuhay, paglilingkod, pakikipagkapatiran, at pangangalaga sa sangnilikha.

Pagpupugay sa mga Banal na Relikya

Nagtapos ang pagdiriwang sa pamamagitan ng pagbibigay-galang sa mga banal na relikya ni San Francisco de Asis at ni Santo Padre Pio, kung saan nagkaroon ng pagkakataon ang mga mananampalataya na manalangin at humingi ng kanilang panalangin at pamamagitan.

Ang Pang-Bikaryang Pagdiriwang ngayong Setyembre 24, 2026 ay naging makabuluhang pagkakataon upang muling pagtibayin ang pagkakaisa ng Bikaryato ni San Francisco de Asis at ang sama-samang paglalakbay tungo sa mabuting pagkatao, malalim na ugnayan sa Diyos, kapayapaan, mabuting pamumuhay, at pangangalaga sa sangnilikha.

Pax et Bonum!

Imus City, Cavite — Isinagawa noong Setyembre 19, 2026 ang Session 2 ng Vocation Nurturing Circle sa Our Lady of the Pillar Seminary, Buhay na Tubig, Imus City, sa pangunguna ng Diocese of Imus Catholic Educational System, Inc.

Layunin ng programa na patuloy na mahubog at maalagaan ang mga bokasyon sa pamamagitan ng panalangin at mga gawaing makatutulong sa mga kabataan na mas makilala ang kanilang bokasyon.

Nagsimula ang programa sa arrival at roll call, sinundan ng opening prayer at animation. Isinagawa rin ang isang talk ni Bro. Simon Guevarra, bago ang paggawad ng mga sertipiko at ang “Conversation with the Spirit.”

Bilang bahagi ng programa, isinagawa rin ang Holy Hour for Vocations with Benediction, na nagsilbing pagkakataon para sa sama-samang pananalangin para sa mga bokasyon sa Simbahan.

Samantala, naging bahagi rin ng pagtitipon ang Vicarial Dalaw del Pilar. Dumating ang imahen sa Old Gate ng Our Lady of the Pillar Seminary, kung saan isinagawa ang pag-awit ng Salve Regina.

Sinundan ito ng Karakol palabas ng main gate ng seminaryo, bilang pagpapahayag ng debosyon at pakikiisa ng pamayanan sa pagdalaw ng imahen.

Sa pamamagitan ng mga ganitong gawain, patuloy na isinusulong ng Diyosesis ng Imus ang kultura ng bokasyon—isang paanyaya sa mga kabataan at pamayanan na makinig, magnilay, at tumugon sa tawag ng Diyos.

Tagaytay, Cavite — Ginanap noong Setyembre 19–20, 2026 ng Diocesan Prison Ministry of Imus ang kanilang banal na pagsasanay na may temang “In Silence We Listen” at “Speak, Lord, for Your servant is listening” na hango sa 1 Samuel 3:10. Ito ay ginanap sa CBCP Caritas Imus.

Ito ay dalawang araw na retreat na hitik sa panalangin at magagandang pagninilay. Sa Talk 1, ibinahagi ni Rev. Fr. Thomas Tabada, CRSP ang “In Silence, We Listen,” kung saan tinalakay na sa katahimikan, mas naririnig natin ang Diyos.

Sa Talk 2 naman, tinalakay ni Sr. Salome Gomonit, USAHJ ang “Beyond Bars: Love Knows No Walls,” kung saan ibinahagi ang mga kuwento, aral, pagibig at pagbibigay ng sarili para sa mga bilanggo maging ang pangarap ng Diyos sa atin.

Sinariwa sa bawat talk ang mga biyaya, maging ang mga pagsubok sa naturang ministri.

Binibigyang-importansya sa mga ganitong pagsasanay ang kahalagahan ng kanilang misyon sa loob ng bilangguan. Sa karanasan ng mga nasa bilangguhan, sa kanilang katahimikan, kalungkutan, at pagyakap sa kani-kanilang krus, kasama si Hesus.

DASMARIÑAS, CAVITE - Dinaluhan ng mga mananampalataya ng Parokya ng Kristong Hari sa Paliparan III ang kapistahan ng kanilang Patrona, ang Mahal na Birhen ng Peñafrancia de Paliparan,  sa ginanap na Misa Concelebrada kahapon, Setyembre 18, 2026, sa oras na ika-5 ng hapon. Ang Banal na Pagdiriwang na ito ay pinangunahan ng Obispo ng Diyosesis ng Imus, Lub. Kgg. Reynaldo G. Evangelista, D.D., kasama ang kura-paroko ng parokya na si Rev. Fr. Mario G. De Leon, ang Vicar Forane ng Bikaryato ng Ina ng Laging Saklolo na si Rev. Fr. Geoffrey G. Zacarias, at ilan pang mga miyembro ng kaparian sa diyosesis.

Sa ibinahaging homiliya ng obispo, iniugnay ito sa tema ng Pistang Peñafrancia 2026 na “Maria: Huwaran ng Pakikinig at Pagtugon”, na sumasalamin ngayong Taon ng Pakikinig. Binanggit ng obispo na ang Diyos ay nagsasalita sa buong sambayanan, at dapat na pakinggan, unawain, isapuso, at isabuhay ang Kaniyang mga salita. Ibinahagi rin niya ang mga dahilan ng pagiging huwaran sa pakikinig at pagtugon ang Mahal na Birheng Maria sa pamamagitan ng kaniyang
pakikinig sa balitang ibinahagi sa kaniya ni San Gabriel Arkanghel at pagtugon sa tawag ng Diyos na dalhin sa mundong ito ang Manunubos—ang Panginoong Hesukristo.

Bilang bahagi ng pagtatapos ng pagdiriwang, ginanap ang Prusisyon sa karangalan ng Mahal na Birhen ng Peñafrancia de Paliparan. Nakiisa rin ang mga miyembro ng sambayanan ng Paliparan at ng Parokya ng Kristong Hari bilang kanilang pagpapakita ng kanilang pagmamahal at debosyon sa Mahal na Birhen.
Sa pagtatapos ng kapistahang ito, nawa’y ang mga mananampalataya ay matutong makinig at tumugon sa Diyos, at isapuso ang Kaniyang mga Salita, at gawing ehemplo ang Mahal na Birheng Maria bilang huwaran ng pakikinig at pagtugon.

IMUS, CAVITE — Bilang bahagi ng paghahanda para sa nalalapit na kapistahan ng Nuestra Señora del Pilar; Patrona ng Diyosesis ng Imus, matagumpay na isinagawa ngayong Setyembre 19, 2026 ang Opening Salvo ng Fiesta del Pilar 2026.

Sinimulan ang pagdiriwang sa pamamagitan ng Banal na Misa sa Diocesan Shrine and Parish of Our Lady of the Pillar – Imus Cathedral sa ganap na 6:30 ng umaga, na sinundan ng isang motorcade na pinangunahan ng Shrine Council ng Dambana.

Sa isinagawang motorcade, inikot ng imahen ni Nana Pilar ang kanyang bikaryato at mainit na sinalubong ng mga pari at mga pamayanang kanyang dinaanan.

Sa kanyang pagdalaw sa bawat komunidad, patuloy na ipinapaalala ni Nana Pilar ang kanyang makainang pagmamahal at pamamatnubay sa kanyang mga anak. Kasabay nito, inaanyayahan ang mga mananampalataya na sama-samang maghanda at makiisa sa mga pagdiriwang bilang pagpapahayag ng pananampalataya at debosyon sa Mahal na Birhen.

Naganap ngayong ika-17 ng Setyembre 2026 ang Clergy Assembly ng mga kaparian ng Diyosesis ng Imus. Nagsilbi itong mahalagang pagkakataon para sa sama-samang pagbabalik-tanaw, pagninilay, at pagpaplano para sa patuloy na paglalakbay ng Diyosesis.

Tampok sa pagtitipon ang pagtalakay sa naging takbo ng mga pastoral na gawain at programang naisakatuparan ng Diyosesis. Sa pamamagitan nito, nabigyang-pansin ang mga karanasan, bunga, at mahahalagang aral na maaaring maging gabay sa pagtukoy ng mga susunod na hakbang tungo sa mas malinaw na direksiyon at patutunguhan ng misyon ng Simbahan.

Binigyang-diin ang kahalagahan ng sama-samang paglalakbay ng Obispo, mga kaparian, at mga layko. Sa diwa ng synodality, kinilala ang bawat isa bilang katuwang sa pagtugon sa mga pangangailangan ng sambayanan at sa pagsasakatuparan ng misyon ng Diyosesis.

Nagkaroon din ng pagkakataon ang mga pari na magbahaginan ng kanilang mga karanasan, pananaw, at mungkahi hinggil sa iba’t ibang usaping kinakaharap ng mga parokya at ng Diyosesis. Ang ganitong pagbabahaginan ay naging pagkakataon upang higit na mapalalim ang pagkakaisa, pakikipagtulungan, at pagkakapatiran ng mga kaparian.

Isa rin sa mga mahalagang tinalakay ang nalalapit na pagpapalitan ng mga pari sa susunod na taon. Kaugnay nito, inilahad ang mga gabay na maaaring makatulong sa paghahanda ng mga pari gayundin ng mga sambayanan sa mga parokya. Layunin ng paghahandang ito na maging maayos ang proseso ng paglipat, pagtanggap, at pagsisimula ng panibagong yugto ng paglilingkod ng mga pari sa kanilang mga itatalagang komunidad.

Higit sa isang pagtitipon para sa pagtalakay ng mga gawain at administratibong usapin, ang Clergy Assembly ay naging pagkakataon upang muling pagtibayin ang pagkakaisa ng mga kaparian sa iisang misyon. Sa pamamagitan ng pakikinig, pagbabahaginan, at sama-samang pagpaplano, patuloy na hinaharap ng Diyosesis ng Imus ang mga hamon at pagkakataon sa buhay at misyon ng Simbahan.

Sa patuloy na paglalakbay ng Diyosesis, nananatiling mahalaga ang pagkakaisa ng Obispo, kaparian, at mga laykong naglalakbay nang magkakasama, nakikinig sa isa’t isa, at sama-samang tumutugon sa tawag ng Panginoon.

GMA, CAVITE — Isinagawa ngayong Setyembre 16, 2026, sa San Jose Manggagawa Parish, GMA, Cavite, ang ika-6 na Pastoral Care Training ng Ministri sa mga May Karamdaman. Tinalakay ang mga paraan sa pagsasagawa ng pastoral care visit at ang pastoral responses and choices.

Sa Module 5, tinalakay ni Rev. Fr. Michael Ceazar C. Dela Cruz, OFS ang mga salitang dapat gamitin at hindi dapat gamitin habang isinasagawa ang pastoral visit upang matiyak ang pagiging sensitibo sa mga lengguwaheng ginagamit sa pakikipag-usap sa mga pasyente.

Samantala, sa Module 6, tinalay naman ni Ms. Malorna Mosico, ang Lay Pastoral Worker ng nasabing ministri ang mga hakbang sa pagsasagawa ng pastoral visit, mula sa pagkilala at pangangamusta hanggang sa pagdarasal para sa mga pasyente, sinundan naman ng isang 
roleplay activity upang mas lalong maintindihan ng mga volunteers ang mga paksang tinalakay.

Ipinapakita ng pagsasanay na ang pastoral care ay hindi lamang tungkol sa pagbisita, kundi sa paraan ng pakikinig, pakikipag-usap, at pakikiramay sa mga taong nangangailangan ng kalinga.